الكشك الصعيدي

موضوع: الكشك الصعيدي الإثنين أغسطس 10, 2009 9:34 pm

السلام عليكم
جبتلكم النهاردة طريقة عمل الكشك المطبوخ اللي بتتعمل في الصعيد بس لو عجيتكم تدعوا لي ربنا يحفظني
بصي يا قمر الطريقة بقي
1- تحطي الكشك في شوية مية وتتركيه حوالي ربع ساعة تقريباً.
2-تغلي الشوربة وياريت تكون شوربة لحمة وتحطي عليها الكشك طبعا بعد ما تصفيه حتي الغليان.
3-يرفع من على النار حتى يبرد
4-تحمر بصلة مع السمن وياريت بسمن بلدي (دا اكل صعيدي )ثم نضع عصير طماطم ونتركهم حوالي عشر دقايق .
5- نجيب الكشك بعد ما يبرد ونضربه في الخلاط بس مش كتير.
6-نرجع الكشك على النار ونضيف عليه التسبيكة(الطماطم بالبصل اللي حضرناه )ويقلب على النار يدوب يغلي
وطبعا ماتنسيش ان الكشك بيبقى احيانا مالح يعني حاسبى وانتي بتحطي الملح
7- طريقة تقديمه تحطيه في الطبق وتزينه بشوية من التسبيكة في وسط الطبق
وان شاء الله هتلاقي طعمه يجنن وياريت تعمليه ومتخفيش هتكلوه وتدعولي
يا رب تعجبكم بس يا ريت تجيبوا الكشك ده من واحد موثوق

اختكم نوووووووووووووووووووووووونه